Тренерот на Торино, Паоло Ваноли, не крие дека е презадоволен од настапите на Елиф Елмас откако македонскиот репрезентативец влезе во топ-ф0рма по позајмица од редовите на Лајпциг.
„Торинезите“ утревечер му гостуваат на Лацио, меч за кој Елмас е најавен како сигурен стартер во тимот на Ваноли за мечот на „Олимпико“.
„Успешно го менаџиравме времето за играње на Елиф, а тој ги покажа своите квалитети. Веднаш стави до знаење колку е важен за нашиот тим и ние можеме да бидеме задоволни што го имаме во своите редови. Среќен сум и што се врати полн со самодоверба откако одигра два цели меча за Македонија. Полн е со енергија, сака да игра и да се докажува, јас како тренер секогаш сакам да имам такви фудбалери во тимот“, истакна Ваноли.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
