Македонскиот репрезентативец Елиф Елмас донесе победа за Наполи на гостувањето против Аталанта во Бергамо во дербито на 13. коло во Серија А.
Во мечот меѓу двете водечки екипи во италијанскиот шампионат Наполи со пресврт дојде до победата благодарение на двоецот Осимхен – Елмас.
Аталанта дојде до предност во 19. минута со голот на Лукман, но потоа Осимхен во 23. минута израмни на 1-1.
Во 35. минута, Осимхен асистираше а македонскиот „дијамант“ луцидно реагираше во противничкиот шеснаесетник за свој втор гол сезонава за Наполи и победа од 1-2.
GOAL! Eljif Elmas
Atalanta 1-2 #Napoli#AtalantaNapoli | #SerieATIM
pic.twitter.com/lstLacLq98— Fast Footy Goals (@fast_footygoals) November 5, 2022
Наполи сега со 35 бода е на врвот, а Аталанта остана на втората позиција во Серија А со 27 бода.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
