Македонскиот фудбалски интернационалец Сефер Емини одигра нов неверојатен натпревар во дресот на неговиот Сондерјиске во втората фудбалска лига на Данска.
Токму нашиот интернационалец беше еден од најголемите виновници за победата на неговиот тим од 2-0 над Хобро во мечот од 24. коло во второто по ранг данско натпреварување.
Домаќините стигнаа до водство од 1-0 со погодокот на Гретарсон во 45. минута, додека конечните 2-0 беа дело токму на Емини во 59. минута. Сондерјиске во моментов е на 2. место на табелата со дури 14 бода повеќе од третопласираната Фредеричија. На мечот настапи и Иван Николов кој исто така беше во првата постава, и одигра 74. минути.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
