Милош Теодосиќ и официјално заминува во играчка пензија, а дел од српските кошаркарски и спортски легенди преку видео-пораки му се заблагодарија на легендарниот плејмејкер за се она што го стори за кошарката во татковината.
„Добредојде во клубот… Да знаеш се е супер, се е лабаво, опуштено… но недостигаат натпреварите, тренинзите, подготовките… недостига екипата, другарите, спомените“, порача Стефан Марковиќ, кој настапуваше крај Тео и на клупски план и во српската репрезентација.
„Ти благодарам за се што направи за репрезентацијата, за мене лично… Знаеш колку те ценам и почитувам, колку му значиш како брат, капитен и како пријател“, се надоврза капитенот на српската репрезентација“, Богдан Богдановиќ.
Никола Јокиќ, во свој стил, кратко и јасно со порака до Милош.
„Капитену, среќен крај на кариерата, се најдобро во иднината и само да знаеш – заминуваш меѓу легендите“.
Своја порака до Теодосиќ во оваа видео-компилација испрати и најдобриот светски тенисер на сите времиња, Новак Ѓоковиќ.
„Тео брате мој! Ти благодарем за сите години претставување на Србија, за сите врвни натпревари и се што даде на нашата земја. Те сакаат твоите, се гледаме наскоро“, порача Новак Ѓоковиќ.
View this post on Instagram
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
