Пред денешниот натпревар од Првата македонска кошаркарска лига со Пелистер, кошаркарите на АВ Охрид во својата сала „Билјанини извори“ во Охрид испратија последна порака до прерано починатиот градоначалник, проф. д-р Јован Стојаноски.
Кошаркарите на АВ Охрид уште еднаш испратија благодарност за големиот поддржувач кој секогаш беше со клубот во изминатава една година и како татко на градот.
„Засекогаш со нас Градоначалник“ – е пораката на транспарентот со кој се појавија кошаркарите пред почетокот на натпреварот.
Во знак на почит и сеќавање, клубот на семејството Стојаноски му врачи врамен дрес на КК „АВ Охрид“ со посвета, а натпреварот со Пелистер кој се игра во рамки на 11. коло од Првата кошаркарска лига почна со едноминутно молчење.
ФОТО: www.ohrindews.com.mk
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
