Со тројката на Ентони Дејвис буквално со звукот на сирената, Лос Анџелес Лејкерс го добија вториот натпревар од финалната серија во Западната конференција со Денвер со 105-103 и поведоа со 2-0 во победи. Во израмнетиот меч, Дејвис кој постигна 22 поени во вторто полувреме и Леброн Џејмс кој уфрли 21 во првиот дел беа моторот на „лејкерс“ во битката за вториот триумф во финалето.
HE DIFFERENT!!!! @AntDavis23 You Silly!! ????? https://t.co/w7WrjAre2Z
— LeBron James (@KingJames) September 21, 2020
Дејвис постигна вкупно 31 поен, Џејмс имаше 26. Кај Денвер, Никола Јокиќ беше прв стрелец. Тој имаше 30 поени, ги постигна последните 12 поени на натпреварот за неговиот тим, но тоа не беше доволно за успех. Во драмата во финишот, Дејвис ја искористи неверојатната прилика по уфрлањето на аутот на Ражон Рондо и погоди за три поени.
Ентони Дејвис е првиот играч на Лос Анџелес Лејкерс кој постигнал победничка тројка со звукот на сирената во конференциско финале по Роберт Хори во 2002 година против Сакраменто.
Anthony Davis hit the first @Lakers game-winning 3-pointer at the buzzer in the Conference Finals since Robert Horry (05/26/2002 against Sacramento). @EliasSports pic.twitter.com/NVmAw5D9c6
— NBA.com/Stats (@nbastats) September 21, 2020
Третиот натпревар во серијата ќе биде одигран ноќта вторник кон среда по средноевропско време. Во финалето на Источната конференција, дуелот број четири е закажан за среда кон четврток. Мајами води со 2-1 откако ги доби двете воведни средби, а Бостон славеше во третиот натпревар за намалување на негативата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
