Данскиот фудбалер Кристијан Ериксен и фудбалскиот клуб Интер го раскинаа договорот за соработка. Ериксен доживеа срцев напад на стартот од овогодинешното Европско првенство, а брзата реакција на лекарите му го спасија животот на играчот од средниот ред на миланскиот клуб.
По поставувањето на дефибрилаторот, репрезентативецот на Данска доби дозвола да продолжи да игра фудбал. Сепак, тоа нема да може да го направи во Италија, каде што постои правило кое забранува настапи на играчи кои имаат некакви срцеви проблеми. Поради тоа, но и поради темелно опоравување, Ериксен се уште нема настап по Европското првенство, а италијанскиот клуб потврди дека е прекината соработката со Кристијан.
Во последните неколку недели Ериксен тренира со Одензе, а како потенцијални нови станици во кариерата на 29-годишниот фудбалер се споменуваат Англија, Холандија и Данска. Ериксен својата професионална кариера ја започна во Ајакс, чии бои ги бранеше од 2010 до 2013 година. Тој беше прекомандуван во Тотенхем за кој играше до лани и замина во Интер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
