По извонредната сезона на голот на Гимнастик, македонскиот репрезентативен голман Столе Димитриевски е пред можност својата кариера веќе од престојнава сезона да ја продолжи во шпанската Примера.
Димитриевски, како што пренесуваат шпанските медиуми, е на мета на Бетис кој во новата сезона ќе се натпреварува во Лигата на Европа… Но, за услугите на 24-годишниот македонски репрезентативец силно заинтересиран уште еден тим од Ла Лига, Еспањол.
„И тоа како реална е опцијата Димитриевски да биде дел од Бетис во новата сезона… И Бетис и Еспањол се во потрага по нова опција за голманската позиција, а Димитриевски би бил квалитетно засилување“ – пишуваат Шпанците.
Но, за Димитриевски интерес има и од португалската Спортинг Брага, кој исто така ќе игра во Лигата на Европа… Сепак, во предност, во секој случај, се шпанските прволигаши!
Македонскиот голман под договор со шпанскиот второлигаш Гимнастик е до 2020 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
