Ракометарите на двократниот европски шампион Вардар имаа позитива од … по првото полувреме на натпреварот против исландски Валур во првото коло од новата сезона во Лигата на Европа.
Гостите подобро го отворија натпреварот и брзо стигнаа до позитва од 0-2. Првиот гол за вардарци во новата сезона во Лигата на Европа го постигна Милан Лазаревски во третата минута кој намали на 1-2. Следуваше одбрана на Еспиња, по која Вуко Борозан со свјот прв гол на мечот израмни на 2-2.
Вардар со погодокот на Вуко Борозан во седмата минута за првпат стигна до плус два (5-3). Во следниот период домаќините успеаја да ја задржат позитивата од два гола, па по десет минути резултатот на семафорот изнесуваше (8-6). По неколку промашувања на двете страни и два нереализирани пенали на Вардар, домаќините сепак на влезот на 19. минута успеаја за првпат да стигнат и до плус четири со уште еден погодок на Срдановиќ од пенал (11-7). Следуваше нова одбрана на Еспиња, која одлично ја материјализираше Петриќ кој во 20. минута донесе плус пет за домаќинот 12-7, по кои тренерот на гостите Антон Рунарсон мораше да го побара својот прв тајм-аут.
Ниту тајмаутот не им помогна на Исланѓаните кои повторно не успеаја да го совладаат одличниот Еспиња кој ја забележа и осмата интервенција, по која Вардар поведе и со плус шест 13-7. Вардарци продолжија да доминираат, а со петтиот гол на Срдановиќ во 30. минута стигнаа и до највисоките во првото полувреме плус осум 19-11.
Еспиња беше неверојатен на голот на Вардар во првото полувреме со десет интервенции, додека најефикасен беше Срдановиќ со четири гола. Кај Валур Магнусон постигна исто така четири гола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
