Еурофарм Пелситер триумфално ја започна новата година откако во 17. коло од Суперлигата славеше со 34-25 над Охрид. Битолчани кои се мачеа да го најдат своето темпо во првото полувреме одиграа фантастично второ во кое го лимитираа противникот на 11 постигнати голови, реализираа 18 на спротивната страна и сосема заслужено ја продолжија трката за првото место на табелата.
По изедначеното темпо кое преовладуваше во поголемиот дел од првото полувреме Пелистер преку добрата игра во самиот финиш успеа да стигне до минимална предност. При резултат 12-12, домаќините ја зацврстија одбраната, а тоа резултираше со две мини серии за водство од 16-14 по 30. минути игра. За разлика од првото полувреме, во второто „зелено-белите“ влегоа далеку помотивирани па со серија од 4-0 стигнаа до предност од 20-14 и го назначија текот на натпреварот. Од минута во минута Еурофрам Пелистер ја зголемуваше предноста која во еден момент стигна и до +11 (28-17) за мирен финиш и нови бодови.
Божиќ Павлетиќ беше предводник на Еурофарм Пелситер со 8 гола, додека него го следеше Периќ со 6, а еден помалку додаде Граџан. Кај гостите најрасположен беше Додиќ со 6 гола, додека со 5 мечот го заврши Кривокапиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
