Еурофарм Пелистер ја заокружи успешната сезона во која беше освоен шампионскиот трофеј со заедничка вечера, на која „пелистерци“ меѓу другото и се збогуваа од ракометарите кои во следната сезона нема да бидат дел од овој клуб.
„Со заеднички спомени, многу емоции и свечени подароци Еурофарм Пелистер се раздели со ракометарите кои на крајот од оваа сезона го напуштаат клубот: Гоце Ојлески, Милорад Кукоски, Мартин Велковски, Себастијан Хенеберг, Мохамед Суси, Усама Хосни и Бојан Маџовски“, објави Еурофарм Пелистер по синоќешната прослава.
Битолчани во изминатиот период потпишаа нови договори со речиси сите македонски репрезентативци во својот состав, но повеќе од јасно е дека за учество во ЛШ наредната сезона ќе им бидат неопходни уште поквалитетни странци, за пресметките со најдобрите тимови во Европа.
За очекување е во наредните два месеци Еурофарм Пелистер да потпише договори со неколку врвни засилувања, со кои тимот ќе покаже решеност да се задржи на тронот во мак-ракометот, но и достојно да го претставува истиот во Лигата на Шампионите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
