Португалија ја освои Лигата на нации победувајќи ја Шпанија на пенали. Регуларниот дел од натпреварот заврши со резултат 2:2. Баскиското дуо Мартин Зубименди и Микел Ојарзабал ги постигнаа головите за Шпанците, додека Нуно Мендеш и Кристијано Роналдо ги постигнаа головите за Португалија. Така, Португалија стана првата репрезентација во историјата што освоила две Лиги на нации.
Со оваа победа, Португалија освои и голема парична награда. УЕФА му доделува на победникот на Лигата на нации дури 8,25 милиони евра за победа во натпреварувањето, додека Шпанците, како финалисти, ќе добијат 6,75 милиони евра. Третопласираната Франција заработи 5,75 милиони, а Германија доби 4,75 милиони евра.
Тоа беше четврто финале за Португалија вкупно и трето славје. Покрај двете Лиги на нации (2025, 2019), Португалците беа и европски шампиони во 2016 година. Тие играа и во финалето на ЕУРО во 2004 година, но загубија дома од Грција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
