Своевремено еден од најдобрите леви бекови Патрис Евра, се што оствари во фудбалската кариера добива уште поголемо значење со оглед на неговата приказна околу детството во Сенегал.
Евра е роден во Дакар во семејство со дури 24 деца, од кои две починале. „Кога татко ми си замина и го напушти семејството, настана хаос“, се сеќава Евра.
На 13-годишна возраст бил жртва на сексуален напад.
„Тоа имаше огромно влијание на мојот живот. Се срамам со самиот себе. Кога не веруваш на авторитетите, а тоа беше мојот професор, не веруваш никому“, откри минатата година Евра.
Сега во емисија во Би-Би-Си откри уште некои детали.
„Работев три работи пред да почнам да играм фудбал. Продавав дрога. И просев за пари пред продавница. Просењето беше вообичаено, некогаш дури и навечер, кога фрлаа големи биг-мекови, ние ги земавме од канта за отпадоци“, рече Евра кој напомена дека го спасил фудбалот.
„Кога имав 17 години патувавме во Италија. Се сеќавам кога стигнавме, седевме на ручек и ни носеа храна. Заминав во соба, бев во тренерка и ја повикав мајка ми и реков дека тука е како во рајот“, вели Евра.
Евра играше за Марсал, Монца, Ница, Монако, Манчестер Јунајтед, Јувентус, Марсеј и Вест Хем. Одигра 734 натпревари во кариерата, а за репрезентацијата на Франција одигра 81 настап.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА