Денеска се одиграа пет натпревари од кошаркарската Евролига, а дербито беше во Истанбул каде што гостуваше Барселона. На крајот шпанскиот тим славеше со 76:74, благодарение на одличната втора четвртина која што ја добија „Каталонците“ со 20:9. Победата стигна со звукот на сирената кога Никола Миротиќ погоди за голем триумф на Барса.
Залудни беа 24-те поени на Јан Весели за Фенер. Хигинс постигна 19 за Барселона.
Монако со 70:62 славеше над Црвена Звезда. Црвена Звезда слабо го отвори мечот (ја загуби првата четвртина со 21:12), потоа се потешко се враќаше, и покрај тоа што ги доби следните две четвртини. Сепак, на крајот Монако успеа да дојде до предност во последниот период, и да го добие мечот.
Олимпијакос беше поуспешен од Алба Берлин со 87:83, а Макаби Тел Авив славеше над Жалгирис 76:62.
Баерн Минхен со 83:77 го совлада тимот на Милано.
РЕЗУЛТАТИ:
Монако – Ц. Звезда 70:62
Фенербахче – Барселона 74:76
Олимпиакос – Алба Берлин 87:83
Макаби ТА – Жалгирис 76:62
Баерн – Милано 83:77
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
