Реал Мадрид се искачи на првото место на табелата во Евролигата откако славеше на гостувањето во Берлин против Алба со 74-89. Маодо Ло беше првото име на натпреварот со 21 поен и 5 скока, но германскиот репрезентативец не успеа да го донесе својот тим блиску до победа.
Кај гостите од Мадрид најрасположен беше Хуертел со 17 поени и 7 асистенции, додека него го следеше Порие со 13 поени и 5 скока.
На победа се радуваше и Макаби кој ја прекина серијата на порази со триумф над Олимпијакос во Тел Авив од 84-69. Хрватот Анте Жижиќ беше предводник на домаќините со 23 поени и 6 скока, додека кај гостите најрасположен беше Принтезис со 13 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
