Евролигата ја казни Црвена Звезда најпрво со парична казна, а потоа и со празнење на трибините.
Кошаркарите на Црвена звезда в петок ќе го играат можеби најважниот натпревар во сезоната, против Анадолу Ефес, но добија остра казна пред мечот.
Црвена Звезда е казнета со 16.000 евра, а капацитетот на трибините на Арената е намален за 20% (поточно 80% од местата ќе бидат пополнети) поради своите навивачи.
Инцидентите во кои учествуваа навивачите на натпреварот против Реал Мадрид скапо ќе го чинат белградскиот тим.
Но, тие не се и единствените казнети. Санкции беа изречени и за Фенербахче, кој беше казнет со 7.000 евра за инцидентите на натпреварот со Басконија, како и Панатинаикос со 5.000 евра за фрлање предмети на теренот на натпреварот со Париз.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
