Евролигата официјално ја информираше НБА дека би можела да покрене судска постапка доколку се разговара за нов проект во Европа со претставници на клубовите кои веќе се обврзале на Евролигата во следните десет години.
Според извори на „Еурохупс“, Евролигата испратила писмо до НБА минатата недела, а сите клубови од Евролигата кои моментално имаат А лиценца се известени. Овој потег уште еднаш потврдува дека Евролигата и НБА се во битка за европскиот пазар, а ќе видиме дали нешто драматично ќе се случи во наредните месеци.
Одржан е состанок на акционерите на Евролигата, каде што на Реал Мадрид, Барселона и Асвел им е наредено да донесат одлука за својата иднина, а се верува дека и Фенербахче е во таа група тимови кои не потпишаа нови лиценци.
Рокот што го поставија акционерите на Евролигата за целосна посветеност на натпреварувањето истекува во петок, па одговорите би можеле да дојдат во следните денови. Сепак, треба да се напомене дека, законски, според важечките договори, клубовите можат да потпишуваат нови лиценци до 30 јуни 2026 година, поради што е многу тешко да се предвиди нешто прецизно.
Се верува дека Барселона и Фенербахче ќе потпишат порано или подоцна, додека Реал Мадрид останува енигма, но деновите на Асвел во Евролигата се избројани.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
