Претседателот на Mакедонскиот Олимписки Комитет, Васил Тупурковски, го прими европскиот кадетски вицепрвак во борење (слободен стил), Бесир Алили. Тој му го честиташе освоениот сребрен медал и му посака уште подобри резултати во иднина и секако, да му се реваншира на Ерменецот Рафаел Харутунијан, од кој загуби во финалето на ЕП за кадети во Скопје.
На средбата беа присутни и селекторот Седат Бафтиу, претседателот на ФБСМ, Бетим Вренези и потпретседателот Дејан Богданов, со кои се разменија информации за подготовките за предстојното Светско првенство како и за големата меѓусебна поддршка и многуте заеднички сегашни и идни проекти на МОК и на Федерацијата за боречки спортови на Македонија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
