По првичното заострување на правилата во 2024 година, кое беше силно критикувано од возачите на Формула 1, Меѓународната автомобилска федерација (ФИА) одлучи да оди уште подалеку со зголемување на казните за недолично однесување на возачите.
Додека сите очи се вперени во Фиорано и патеката на седумкратниот светски шампион Луис Хамилтон со Ферари, Меѓународната автомобилска федерација (ФИА) објави нова верзија на Меѓународниот спортски кодекс кој ќе важи за сите натпреварувања, вклучително и Ф1.
Така, насоките се уште построги за секое прекршување на прописите и предвидуваат високи казни, па дури и евентуално одземање на бодови или суспензија во случај на повторени прекршувања.
По сезоната 2024, која беше обележана со неколку санкции кои предизвикаа негодување кај возачите, како што е општествено корисна работа наметната на четирикратниот холандски светски шампион Макс Ферстапен (Ред Бул) или високата парична казна на Шарл Леклер (Ферари) за пцовки на прес-конференција, ФИА реши да ги заостри тонот, особено во однос на непристојноста и критиките на редарите.
Објавена е скала на санкции, со казни од 10.000 до 15.000 евра за прв прекршок, од 20.000 до 30.000 евра за повторување на прекршокот и од 30.000 до 45.000 евра за втор, повторен прекршок.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
