Најдобрите четири тима од европската кошарка денеска во „Ланксес Арената“ во Келн ќе си ги одмерат силите за најпрестижниот трофеј на „стартиот континент“. Барселона, ЦСКА Москва, Анадолу Ефес и Милано се овогодишните учесници на „Ф4“ турнирот, кој секоја години приредува спектакл, а го краси неизвесноста и тоа што секој може да победи секого.
The Semi-Final is about to go OFF ?#F4GLORY pic.twitter.com/9BUu9PdKt2
— Turkish Airlines EuroLeague (@EuroLeague) May 28, 2021
На првиот полуфинален дуел кој е со почеток од 18 часот силите ќе си ги одмерат минатогодишните финалисти Анадолу Ефес и ЦСКА Москва. Ова воедно ќе биде дуел и на најдобрите напади во лигата. ЦСКА во просек постигнува 84.4 поени по натпревар, додека Ефес 84.1 поен.
„Ефес е извонреден тим кој игра одлична кошарка. Може да се каже дека ова е реприза на финалето од 2019 година. Имаат ист тренер, исти играчи и иста филозофија. Ефес во своите редови има одлични кретивци кои шутираат добро, а имаат и добар проток на топката. Ќе мораме да одиграме добро во одбраната за да им ја отежнеме работата. Имаме неколку планови и интензивно работиме на нив. Ќе се обидеме да ги успориме, а не да ги запреме. Не можеш нив да ги запреш“, изјави тренерот на московскиот тим, Димитрис Итудис.
„ЦСКА е физилчки многу добар тим со многу многу високи играчи кои добро шутираат од надворешните позции. Не чека тежок натпревар. Можеби играат различна кошарка без Мајк Џејмс, но играат доброо и без него. Подготвивме различни стратегии па ќе видиме која ќе даде резултат. Некој би рекол дека стратегијата е најважна, но јас сакам да го искористам потенцијалот на моите играчи. Хемијата во тимот ни дозволува да играме кошарка каква што сакаме и се надевам дека тоа ќе не одведе до победа“, изјави тренерот на Ефес, Ергин Атаман.
Вториот патник во финалето помеѓу екипите на Барселона и Милано ќе биде одлучен со почеток од 21 часот. Шпанскиот тим е фаворит за денешниот меч, но во ниеден случај не смее да се потцени италијанскиот состав предводен од фантастичниот Еторе Месина кој во своите редови ги има и преискусните Родригез, Хајнс и Датоме.
„Не се сомневам дека е тешко да победите ист тим три пати, посебно кога станува збор за сјајна екипа како Олимпија. Секоја подготовка за противникот е различна. Знаеме и дека подготвуваат нешто ново за нас нешто. Притисокот е огромен. Но, кога си на Фајнл 4 мораш да играш на високо ниво во сите 40 минути и да бидеш подготвен за се“, изјави Никола Миротиќ.
„Кога играте против толку јака одбрана и толку добра организирана екипа веќе знаеме дека ќе шутираме од лоши позиции. Тоа е дел од играта. Ќе шутнеме многу лоши обиди, и затоа мораме да ги лимитираме истите со офанзивен скок и да го намалиме бројот на грешки. Се надевам дека ќе успееме тоа да го спроведиме на дело“, изјави тренерот на Олимпија, Еторе Месина.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
