Факундо Кампацо наскоро се очекува да стави потпис на двогодишен договор со белградскиот гигант Црвена Звезда. Аргентинскиот репрезентативец по неуспешната епизода во НБА лигата се враќа во Европа, а најголем интерес предизвика српскиот состав кој е подготвен да издвои 4.3 милиони евра (1,8 милиони за оваа сезона и дури 2,5 милиони евра ако Кампацо реши да остане во Белград и во сезоната 2023/24).
Неговиот поранешен клуб, Реал Мадрид имаше опција да ја изедначи понудата на Црвена Звезда, но последните информации од Шпанија велат дека до тоа нема да дојде. Со тоа 31-годишникот е слободен да „слета“ во Белград каде ќе биде огромно засилување за актуелниот шампион на АБА. Денеска истекува рокот во кој Реал може да ја израмни понудата на „црвено-белите“, по што Кампацо ќе има одврзани раце за потпис со Црвена Звезда.
Тоа воедно значи и гостување на двократниот освојувач на Евролигата во Скопје на натпреварот против МЗТ Скопје кој ќе биде одигран на почетокот на 2023 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
