Ненад Димитријевиќ го одигра можеби мечот на кариерата денеска постигнувајќи 34 поени во петтиот натпревар и носејќи го тимот на Уникс Казан до првата историска титула во Русија. Димитријевиќ практично самиот го совлада тимот на Локомотив Кубан, и така го однесе својот тим до победа од 4-1 со која Уникс слави шампионска титула.
Уникс на крајот славеше 98-89. Тимот од Казан уште по првиот дел се стекна со голема предност, која ја одржи до крајот, и покрај тоа што ги „загуби“ третата и четвртата четвртина (19-28 и 21-24). Сепак, тоа не беше доволно за Локомотив Кубан да го стигне резултатот и да ја загрози победата.
Претходно Емил Рајковиќ со неговата ЦСКА Москва го освои третото место.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
