Ракометната репрезентација на Норвешка го претрпе првиот пораз на овие Олимписки игри откако вечерва по голема борба загуби од селекцијата на Египет со минимални 25-26.
Дуелот донесе фантастичен ракомет од двете страни, но африканските шампиони беа нешто поумешниво второто полувреме, кога благодарение на цврстата одбрана успеаја да се одлепат, а во самиот финиш и да ја одбранат предноста од еден гол. Норвешка имаше напад за израмнување, а изненадувачки селекторот го остави на клупата Сандер Сагосен, скандинавците не успеаја да постигнат гол и на крајот го загубија натпреварот.
Омар Јахија беше клучна фигура на натпреварот со седум постигнати погодоци од девет обиди, додека најефикасен кај Норвежаните беше Рајнкинд со седум гола.
Данска сега е осамена на чело на табелата во групата Б со максимални осум бода, пред Норвешка со шест, Египет со пет, а по „фараоните“ следат Франција со три, Унгарија со два и Аргентина без ниту еден освоен бод. Во последното коло од оваа група се среќаваат: Данска – Норвешка, Египет – Аргентина и Франција – Унгарија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
