Силекс и Струга ТЛ продолжуваат со одличните игри и во 4. коло од Првата македонска фудбалска лига, стекнувајќи се со предност по првите 45 минути на гостувањата против Арсими во Гостивар односно Башкими во Куманово.
Силекс води со 0-1 на гостувањето против Арсими во Гостивар. Кратовци до предност дојдоа во 18. минута со голот на Мартин Мирчевски, кој реализираше од непосредна близина.
Голот беше проверуван од ВАР-системот, милиметри одлучуваа, но се чини дека сосема исправно признаен гол на Силекс.
И вториот фаворит на денешните два натпревари од 4. коло, екипата на Струга ТЛ води на гостувањето во Куманово против Башкими, но стружани поубедливо со 0-2 по првите 45 минути.
Гостите до предност од 0-1 дојдоа со голот на Компаоре во 24. минута од средбата.
Башкими игра и со фудбалер помалку, по исклучувањето на офанзивецот Марко Симоновски во 23. минута од натпреварот.
Па, сето тоа беше искористено од Струга ТЛ која во 35. минута дојдоа до предност и од 0-2 со голот на Марјан Радески.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
