Милан и Рома ги забележаа вторите победи во Калчо-лигата откако ја оправдаа фаворитската улога на пресметките со Калјари и со Салернитана.
„Росонерите“ целата работа против Калјари ја завршија уште во првото полувреме, во кое ги постигнаа сите четири гола во победата од 4-1. Тонали го најави триумфот со еврогол од слободен удар, Брахим Дијаз со многу среќа го постигна и вториот гол на вториот натпревар, а потоа на сцена стапи Оливие Жиру со два гола до крајот на полувремето.
Рома за разлика од Милан до убедлив триумф од 0-4 стигна благодарение на фуриозната игра во второто полувреме, во кое „пулените“ на Мурињо ги постигнаа четирите погодоци. Серијата голови во Салерно ја отвори Пелегрини, а по него меѓу стрелците се запишаа и Верету и Арбахам, пред Пелегрини со својот втор гол да стави печат на триумфот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
