Французинот Матју Фавр стигна до златото на паралел велеслалом трката на Светското првенство во алпско скијање кое се одржува во италијанската Кортина Д’ампецо.
Фавр во машката трка во финалето го совлада одличниот Хрват Филип Зубчиќ кој на крајот се закити со сребрениот медал. Бронзата му припадна на Лоик Меладрд од Швајцарија.
Кај дамите златниот медал го поделија домашната скијачка Марта Басино и Австријката Катарина Линсбергер, што е за првпат на Светските првенства во оваа дисциплина две натпреварувачки да го поделат најсјајното одличје. Со бронзата се закити искусната Французинка, Теса Ворли.
Утре на програмата е тимската трка во паралел велеслалом.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
