Фудбалерот од средниот ред на македонската репрезентација, Енис Фазлагиќ верува дека може до победи на последните два натпревари од Лигата на нации, против Грузија во Тбилиси и против Бугарија во Скопје.
Фазлагиќ е свесен дека Македонија ја чекаат тешки дуели, меѓу другото и поради бројните отсуства и откажувања, но знае дека со максимален пристап на секој поединец може до посакуваните резултати.
„Секако дека е реално да размислуваме за победа на двата натпревари и да стигнеме до првото место во групата. Нормално, знаеме дека Грузија е квалитетен противник и не сакаме да се залетуваме, но мора максимално да се подготвиме и на натпреварот да пристапиме со сериозен пристап“ – истакна Фазлагиќ на денешниот прв собир на националниот тим, притоа дополнувајќи:
„Грузија е на прво место во групата и доволно кажува за таа селекција. И во Скопје покажа дека знае како да казни, и затоа мора да бидеме поконкретни во нападот за да дојдеме до посакуваните три бода“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
