Поранешниот светски број еден Швајцарец, Роџер Федерер, е избран во Меѓународната тениска „Куќа на славните“, објави институцијата со седиште во Род Ајленд.
Првиот играч кој достигна 20 гранд-слем титули и кој беше дел од одличната ера на тенисот со Новак Ѓоковиќ и Рафаел Надал, период што Федерер го нарече „златното доба на тенисот“, беше единствениот кандидат кој доби доволна поддршка во категоријата играчи за Куќата на славните во 2026 година.
„Секогаш ја ценев историјата на тенисот и примерот што го поставија оние пред мене. Се чувствувам многу почестен што сум признаен на овој начин од спортот и од моите врсници“, рече Федерер.
Церемонијата ќе се одржи во август 2026 година во Њупорт. Во својата кариера, Федерер освои осум титули на Вимблдон, шест на Австралија Опен, пет на САД Опен и една на Ролан Гарос. Тој го освои својот прв гранд-слем трофеј на Вимблдон во 2003 година, а последниот на Отвореното првенство на Австралија во 2018 година.
„Не можев да предвидам дека ќе освојам толку многу големи титули. Се надевав дека можеби ќе имам една, да бидам искрен, на почетокот од мојата кариера“, рече Федерер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
