Легендарниот Матс Виландер коментираше за Карлос Алкараз и промената на тренерот во неговиот стручен штаб.
Алкараз раскина со Хуан Карлос Ферер пред новата сезона, а Виландер истакнува дека тие биле идеални еден за друг.
„Мојата прва реакција беше целосно изненадување, бидејќи изгледаа совршени еден за друг. Хуан Карлос му помогна на Карлитос малку да се смири, не да игра луд тенис, туку да игра тенис со високи проценти. Значи, сè што направија досега изгледаше како совршена еволуција на кариерата на еден тенисер. И одеднаш тоа повеќе не се случува“, рече Виландер.
Виландер верува дека Роџер Федерер би бил совршен тренер за Алкараз.
„Зборуваме за некој што навистина би можел да му помогне на Карлос со игра во која не се чувствува удобно. Мислам дека Роџер Федерер ќе биде совршен тренер за Карлос Алкараз“, додаде Виландер.
Алкараз го очекува Отвореното првенство на Австралија, кое започнува во недела.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
