Легендарниот швајцарски тенисер Роџер Федерер вели дека неиграњето на Рафаел Надал на Ролан Гарос би било тежок удар за тенисот.
Надал поради повреда на мускулот на левиот колк, четири месеци е надвор од терените, досега откажувајќи ги настапите во Монте Карло, Барселона, Мадрид, а оваа недела и во Рим.
„Би било тоа брутално, тежок удар за тенисот. Се уште се надевам дека ќе се опорави, видов дека се повлече од Рим, му посакувам навистина брз опоравување“ – вели Федерер за „Скај спорт“.
Федерер се повлече од тенисот минатата година. Во својата кариера освои 103 турнири, а 310 недели беше број еден на АТП листата, освојувајќи и 20 грандслем титули.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
