Роџер Федерер ќе го добие признанието што апсолутно го заслужува откако швајцарскиот великан беше избран меѓу тројцата кандидати за влез во „Тениската куќа на славните“ во Њупорт за 2026 година.
Федерер долго важеше за најдобар светски тенисер на сите времиња, Швајцарецот освои 20 гранслем титули и урна бројни рекорди во текот на својата кариера, во која сепак на крајот имаше надолна линија пред се поради честите повреди на тенискиот великан. Тој последниот официјален меч го одигра на четвртфиналето на Вимблдон во 2021 годиа, а нешто подоцна и официјално се збогуваше од тенисот во настап на „Лејвер купот“, но во дубл.
Беше само прашање на време кога Федерер ќе стане дел од избраното друштво во „Куќата на славните“, а веќе е јасно дека тоа ќе се случи во текот на следната година.
Покрај него, кандидати за ова престижно признание се Хуан Мартин дел Потро и Светлана Кузњецова, гласањето и официјално е стартувано, а Американците немаат строги правила колку од предложените кандидати и официјално ќе бидат примени во „Куќата на славните“.
Сепак, кога станува збор за легендарниот Роџер Федерер, тука не би требало да има никаква дилема…
The 2026 Hall of Fame nominees have been revealed, and YOU can vote for who you think deserves to receive the ultimate honor in tennis!
✅ @rogerfederer
✅ @SvetlanaK27
✅ @delpotrojuan
VOTE NOW ➡️ https://t.co/g5rHn2wjms #ITHFVote 🗳️ pic.twitter.com/zPzSPrX3at— International Tennis Hall of Fame (@TennisHalloFame) October 1, 2025
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
