Роџер Федерер стигна до својата 98. титула во кариерата, прва на турнирот во Штутгарт откако денеска во големото финале беше подобар од Милош Раониќ, совладувајќи го канадскиот тенисер со 2-0 во сетови. Откако со самиот пласман во финалето го обезбеди враќањето на врвот на АТП-листата, Федерер без дополнителен притисок влезе во ова финале, одигра одличен меч и заслужено стигна до победата.
Пресуден се покажа брејкот на самиот почеток од првиот сет, кога Федерер поведе со 3-1. Раониќ во следниот гејм не скористи две брејк-топки при 15-40, по што Швајцарецот рутински го доби сетот со 6-4. Вториот беше решен во тајбрејк, во кој Федерер доминираше и заслужено славеше со 7-3
За Швајцарецот ова е 18. титула на тревната подлога, по деветте во Хале и осумте освоени на Вимблдон.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
