Четвртфиналната „мајсторка“ помеѓу МЗТ Скопје и Куманово ни приреди фантастичен натпревар во „Јане Сандански“ каде по 45. минути игра на победа од 94-90 и пласман во полуфиналето се радуваа домаќинитe, a симпатиите ги земаа гостите.
Избраниците на Дарко Радуловиќ беа на работ на амбисот која на две минути и 45 секунди до крајот на мечот имаа негатива од 71-81, не можеа да сметаат на услугите на Николов и Мекиќ кои добија исклучувачки лични грешки, како и Магдевски кој ја заработи петата лична грешка, но во своите редови го имаа одличниот Феми Олуџоби.
Американецот во големиот дел од сезоната е „меч со две острици“ за „сино-белите“, но овој пат беше прогласен за „светец“ во Аеродром откако го предводеше својот тим до фантастичен камбек со седум поени во последните минути од средбата, а потоа постигна и десет поени во продолжението со што ги отпиша кумановци.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
