Црвена Звезда со фантастична одбрана во неверојатна атмосфера во Белград успеа да го земе скалпот на Фенербахче, совладувајќи го поранешниот првак на Европа со резултат 68-56. „Црвено-белите“ умешно ги затвоите приодите кон сопствениот кош, гостите од Истанбул немаа шутерски ден, па вториот пораз во низа на тимот на Жељко Обрадовиќ беше неизбежен.
Фенербахче се приближи на 53-51 со тројката на Али, но по тајмаутот на домашниот тренер следеше серија од 5-0, Црвена Звезда повторно се одлепи резултатски и на крајот заслужено триумфираше. Лоренцо Браун со 13 поени беше најефикасен кај шампионот на АБА-лигата, додека во таборот на Фенербахче најрасположен беше Нандо де Коло со 19 постигнати поени.
Европскиот првак ЦСКА славеше на првиот домашен меч сезонава против Баерн Минхен со убедливи 79-68. Рускиот гигант делуваше моќно, го контролираше резултатот и не им дозволи на гостите да стигнат до изненадување во Москва. Најефикасни во таборот на ЦСКА беа Клибурн со 15 поени и Фоигтман, кој оствари дабл-дабл од 10 поени и 12 скокови.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
