Фенербахче остана во игра за првата позиција на табелата во групата „Б“ откако негативата од 0-3 против Рен ја претвори во реми од 3-3. Турскиот состав губеше убедливо веќе во 30. минута, но до крајот преку Валенсија, Зајц и Мор успеа да стигне до голем бод па во последното коло ќе одлучува за директен пласман во осминафиналето.
Од истата група место во Конференциската лига потврди АЕК Ларника која настапи без македонскиот интернационалец Иван Тричковски. Кипарскиот состав беше блиску до победа со оглед на тоа што до 92. минута имаше предност од 3-2, но на крајот мораше да се задоволи со 3-3 против Динамо Киев и бод кој ја води во третото по ранг европско фудбалско натпреварување со оглед на позитивниот меѓусебен меч против Украинците.
Арсенал до последното коло ќе стравува за директниот пласман во осминафиналето откако ПСВ славеше со 2-0 на домашен терен. Со тоа холандскиот клуб ја неутрализираше негативата од еден гол од првата меѓусебна пресметка, а сега ќе чека нов кикс на „топџиите“ против Цирих за прва позиција во групата „А“.
Во останатите натпревари:
Лацио – Митјиланд 2-1
Лудогорец – Бетис 0-1
Малмо – Ројале Унион 0-2
Унион Берлин – Брага 1-0
Цирих – Бодо/Глимт 2-1
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
