Кошаркарот на Феникс санс, Кевин Дурант се здоби со повреда пред крајот на регуларниот дел од сезоната во НБА.
Дурант замина во соблекувалната на седум минути до крајот на третата четвртина против Хјустон во неделата вечерта, откако се судри со Џабари Смит Јуниор.
Тој ќе пропушти најмалку една недела поради истегнување на зглобот на левата нога. Тоа значи дека тој нема да биде во тимот на три последователни гостувања против Милвоки Бакс, Бостон Селтикс и Њујорк Никс.
Феникс е 11. во поредокот на Западната конференција, едно место под плеј-ин зоната. Сезонава Дурант просечно бележи по 26,6 поени, шест скока и 4,2 асистенции.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
