Кошаркарите на Феникс имаа успешен обид да стават крај на лошата серија на резултати. Со одлична завршица и со пресврт, на крајот успеаја да слават победа над Гостивар со 74-66.
Максимално израмнето одиграа двете екипи во првото полувреме. Освен во средишниот период од втората четвртина во кој по поентирањето на искусниот Димчевски , Феникс 2010 поведе со 25:21.
Но во само две минути, Гостивар направи серија од (9-2) за да го врати водството, односно да има позитива од (30:27), а потоа и највисоки (35:31). Но ништо повеќе од тоа затоа што егал беше резултатот по 20. одиграни минути (35:35).
Апсолутно исто се играше и по паузата, двете екипи се менуваа во водство, а тројката на Родес во самиот финиш на третиот дел „пресуди“ Гостивар да влезе со плус 3, (54:51), во оној последниот.
Имаа гостите и повисоко водство (58:52), кога се играше 33.минута. Но овој пат Митревски отвори серија за домашниот тим, од (9-0) за нова, сериозна промена на резултатот (61:58). А по новото поентирање на младиот бек, беше и повисоки (63:59), на нешто помалку од четири минути до крајот.
Тука се случи „кршењето“ на резултатот, па по тројката на Шепард, имаа 67-61, што на крајот беше клучот за победата.
Своето одлично издание Митревски го заокружи со реализација на 23. поени, плус пет скока и четири асистенции.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
