Денвер славеше на гостувањето против Кливленд со 110-91, доаѓајќи на тој начин до седмата победа во осум натпревари од новата НБА сезона.
Најдобар меч одигра Хуанчо Ернангомес со 23 поени, а го следеа Милсап со 16 поени и шест скока, Херис со 14 поени и Лајлс со 12 постигнати поени. Кај Кливленд најефикасен беше Џордан Кларксон со 17 поени, но тоа не беше доволно неговиот тим да го избегне и седмиот пораз од осум натпревари досега.
ЛА Клиперс загуби од Филаделфија со 122-113. Најефикасен во редовите на Клиперси беше Вилијамс со 26 поени, а го следеа Галинари со 25 поени и Херис со 24 постигнати поени. Српскиот центар Бобан Марјановиќ имаше ефект од 15 поени и 11 скока за 22 минути игра.
Филаделфија до победата ја предводеше Џоел Ембид со 41 поен, 13 скока и четири блокади.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
