Филаделфија славеше против Торонто со 107-114 во еден од синоќешните натпревари во НБА лигата, предводена од Џоел Ембид кој заврши со 34 поени, а дополнети и со девет скока и осум асистенции.
Во триумфот го следеше и Макси кој исто така заврши со 34 поени, а двоцифрени беа и Кели Убре јуниор со 18 поени и Тобајас Херис со 15 поени.
Кај Торонто, Скоти Барнс постигна 24 поени, со осум скока и пет асистенции, а „дабл-дабл“ ефект имаше Денис Шрудер со 15 поени и 10 асистенции. Српскиот тренер на Торонто, Дарко Рајаковиќ во некои моменти од мечот не можеше да се помири со поразот заработувајќи ја и првата техничка грешка во НБА.
The first official technical foul for Darko Rajakovic. He’s fuming! #WeTheNorth pic.twitter.com/735WWkKoLk
— Doc Naismith ℠ (@DocNaismith) October 29, 2023
Зек Левин одигра феноменална партија постигнувајќи 51 поен, но не успеа да го спаси Чикаго од пораз од Детроит кој предводен од Канингам со 25 поени и 10 асистенции, дојде до втората победа во новата сезона, овој пат од 118-102.
Кај Чикаго, покрај Левин, двоцифрени беа и Никола Вучевиќ со 12 поени, и четири скока, како и Дерозан со 20 поени и четири асистенции.
Српскиот репрезентативец Никола Јовиќ дебитираше во НБА во дресот на Мајами, во поразот од Минесотаод 106-90. Но, Јовиќ, кој мина 21 минута на паркетот, имаше повеќе од солиден ефект од 8 поени, 11 скока и четири асистенции, со што беше и најдобар скокач во редовите на Мајами.
Минесота до победата ја предводеа Нез Рид со 25 поени и осум скока, а Ентони Едвардс дополни со 19 поени и седум асистенции.
Вашингтон триумфираше над Мемфис со 113-106 за прва победа сезонава предводен од Пол со 27 поени а Кисперт заврши со 22 поени. Кај Мемфис најдобар беше Бејн со 26 поени и пет асистенции.
Јусуф Нуркиќ одигра сосема солиден меч во победата на Феникс над Јута од 126-104. Нуркиќ заврши со 10 поени, седум скока и шест асистенции допринесувајќи за втората победа на Санс. Кевин Дурант беше најефикасен со 26 поени и седум асистенции, додека Ерик Гордон одлично го следеше со 21 поен.
Индијана беше подобра од Кливленд на гости, и покрај тоа што Мобли постигна 33 поени а имаше и 14 скока а Леверт заврши со дури 31 поен, кај Кливленд. Залудно сето тоа кога Индијана беше на крилјата на Нејсмит кој заврши со 26 поени и 10 скока, додека Халибартон постигна 21 поен, 13 асистенции и осум скока.
Во најнеефикасниот меч на вечерта, Њу Орлеанс како гостин славеше во Њујорк со 87-96, предводени од Инграм со 26 поени и седум скока, односно Вилијамсон со 24 поени и пет скока. На спротивната страна најдобри беа Берет со 18 поени и Брансон со 14 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
