Интересна иновација од Ферари ги остави фановите на Формула 1 во шок. Новата сезона на Формула 1 носи нови правила, прописи, димензии на болидот, изглед и механиката исто така ќе бидат различни, а сега има многу дополнителни интересни работи за време на тестирањето.
За својот СФ-26, Ферари донесе нешто неверојатно – задното крило се ротира за 180 степени!
„Моторспорт“ соопшти дека Ферари додал мало крило на крајот од издувниот колектор за да го искористи протокот на гасот низ средните и бавните кривини.
Вчера, за време на тестирањето во Бахреин, видовме дека задното крило на Ферари е подвижно (новите правила дозволуваат) и се врти за 180 степени! Ова се случува затоа што капакот се отвора околу оската во централниот дел, а не на самиот крај како што беше претходно случај со ДРС, што значи дека сега се отвора и задниот дел од капакот.
На крајот од процесот, предниот дел од закрилката е свртен надолу, додека задниот дел е свртен нагоре, што значи дека задниот раб, задниот дел од горниот елемент на задното крило, добива сосема поинаков профил по отворањето.
Ова создава еден вид проширување на протокот, при што предниот централен дел од закрилката станува водечки елемент за излезните воздушни струи.
You spin me right round! 😵💫
Here’s Ferrari’s innovative solution to moving the upper flap of the rear wing as part of this season’s active aero introduction 👀 #F1 #F1Testing pic.twitter.com/yY0ZcI1Kph
— Formula 1 (@F1) February 19, 2026
Дизајнот е секако уникатен и покажува дека правилата од 2026 година им оставаат на тимовите доста слобода кога станува збор за механизмот за отворање на задното крило.
Затоа, не е изненадувачки што за време на предсезоната се појавија различни толкувања, од кои некои останаа поблиски до филозофијата на стариот ДРС, држејќи го потпорниот столб на предниот раб. Други, пак, како „Алпин“, имаат алтернативен пристап, усвојувајќи крило кое се „преклопува“ со ротација околу предниот раб.
Сепак, останува да се види кое решение ќе се покаже како најдобро на долг рок, а „Моторспорт“ дозна дека задното крило на „Ферари“ во моментов е само тест елемент, а не трајно решение.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
