Возачот на Ред бул, Макс Ферстапен, нема превисоко мислење за Луис Хамилтон без оглед на одличните резултати што на Британецот му донесоа нова титула во Формула 1 шампионатот. Хамилтон има зад своето име 73 победи на Ф1 трките, пет шампионски титули, но Ферстапен сепак не е убеден дека на асот на Мерцедес треба да се гледа како на најдобар возач на денешницата.
„Хамилтон е шампион и треба да му се честита за титулата, но тоа не значи дека е најдобар возач, само дека го имаше најдобриот болид годинава. Мислам дека јас, Рикиардо, Алонсо и Фетел, било кој од нас, исто така ќе беше шампион ако го возевме болидот што го возеше Луис. Тоа е навистина моќно, мислам дека Мерцедес дури и не беше на 100% од своите можности, а сепак создаде неверојатен болид“ – истакна Ферстапен.
Младиот Холанѓанец имаше можност да му се приклучи на Мерцедес во 2017 година како тиски колега на Хамилтон, но ја одби понудата и реши да остане лојален на Ред Бул.
„Хамилтон и Фетел се главните ѕвезди на овој спорт во моментов и мислам дека не би било добро за мојата кариера да седам во нивна сенка. Верувам дека го повлеков вистинскиот потег и пак би го сторил истото, бидејќи се уште сум оптимист дека можам да станам шампиоон со Ред Бул, ако заедно составиме моќен болид“ – вели Макс Ферстапен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
