Макс Ферстапен не го криеше воодушевувањето откако во супердраматична трка во последниот круг успеа да го мине Луис Хамилтон, да триумфира во Абу Даби и со тоа да стигне до титулата во Формула 1 шампионатот.
Ферстапен стана прв Холанѓанец со титула во Ф-1, прекинувајќи ја доминацијата на Мерцедес која трае уште од 2013 година, кога Себастијан Фетел го напушти Ред Бул и се пресели во Ферари.
„Ова е неверојатно, немам зборови… Го заслуживме ова, со мојот тим, со Хонда… Низ целата трка верував дека ќе ми се укаже шанса, а кога тоа се случи во последниот круг… беше неверојатно. Конечно, малку среќа и за мене. Сакам да му се заблагодарам и на Перез, кој беше фантастичен тимски колега. Мојот тим знае колку ги сакам сите во него, се надевам дека ќе го правиме ова заедно уште десет – петнаесет години. Не сакам да си заминам одовде, никогаш… сакам да останам во Ред Бул до крајот на животот, ако ме сакаат“, изјави пресреќниот Ферстапен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
