Макс Верстапен од Ред Бул Рејсинг стигна до победата на легендарната патека во Монца на трката за Големата награда на Италија, комплетирајќи добар викенд по одличните квалификации и пол-позицијата.
Возачите на Мекларен, Ландо Норис и Оскар Пјастри, завршија на второто и третото место, со што го комплетираа подиумот во Монца. Ферари остана без подиум на својата патека, што секако е големо разочарување.
Шарл Леклер ја заврши трката на четвртото место, а Луис Хамилтон на шестата позиција. Помеѓу двата Ферари, Џорџ Расел во Мерцедес заврши на петтото место.
Александар Албон во Вилијамс стигна до седмото место и шест бода, додека на осмото место се најде одличниот Габриел Бортолето во Кик Заубер. Кими Антонели во Мерцедес заврши на деветтото место и два бода, со што се зголеми бодовниот биланс за Мерцедес во викендот во Монца. Последното десетто место и еден бод го освои Исак Хаџар и со тоа по последното сензационално трето место во Холандија, тој продолжи да освојува бодови.
Сезоната во Формула 1 продолжува за две недели со Големата награда на Азербејџан на улиците на Баку.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
