По девет победи во низа актуелниот шампион во Формула 1 Макс Ферстапен не успеа да ја заврши трката за големата награда на Австралија.
Тој по трката откри кога почнале проблемите не неговиот болид, кој мораше да го паркира во пит-стопот уште во третиот круг.
„Мојата десна задна сопирачка во основа се заглави од моментот кога светлата се изгаснаа, така што температурата продолжи да се зголемува. Имав лош момент во првиот круг, но дотогаш температурата се зголемуваше и растеше, тоа беше како рачна сопирачка. Се разбира, не знаев дека тоа се случува. Само почувствував дека проблемот е во болидот бидејќи беше нарушена рамнотежата. Тимот можеше да види што се случува, но не знаеја што го предизвикало тоа. Веќе имавме многу добра серија од две години, така што тоа е веќе доста импресивно. Се разбира, никогаш не ви се допаѓа ова да се случи, но сега е поважно да разбереме зошто. Секако, разочаран сум што не успеав да ја завршам трката бидејќи мислам дека ќе имавме добри шанси да победиме“, изјави Ферстапен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
