Макс Ферстапен ја одбрани титулата во Формула 1 шампионатот во сезона во која се врати конкурентноста и постоеше неизвесност до самиот крај.
Доминацијата на холандскиот возач продолжи четврта сезона во низа, но со наговестување дека шампионатот во 2025 година може да биде и еден од најинтересните досега, нешто за што е свесен и возачот на Ред Бул.
„Искрено мојот ментален склоп не се промени. Секако, сон е да освоиш четири титули, повеќе од сон би рекол. Опуштен сум и едвај чекам да почнеме, да видам колку конкурентни можеме да бидеме. Тоа е појдовната точка. Кога ќе видиме колку сме конкурентни, тогаш може да поставувавме цели, за сега е прерано“, изјави Холанѓанецот најавувајќи ја новата сезона.
Ферстапен во 2025 година ќе добие и нов колега. Местото на искусниот Серхо Перез ќе го наследи младиот талент Лијам Лосон.
„Возбуден сум што ќе соработувам со него и мислам дека целиот тим е возбуден за новата сезона. Минатата година беше предизвикувачка. Нормално, имавме добри моменти, но и тешки. Се надевам дека ќе бидеме постабилни во текот на целата сезона“, додава Ферстапен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
