Макс Ферстапен ќе има двајца телохранители покрај себе за време на тркачкиот викенд во Мексико Сити.
Ова го соопшти Хелмут Марко, советникот во Ред Бул. Причината е што на трикратниот светски шампион во Формула 1 не се очекува топло добредојде во мексиканската престолнина.
Холанѓанецот доаѓа на теренот на клупскиот колега Серхио Перез. Ферстапен беше жестоко исвиркан на подиумот во Остин, а во Мексико се очекува да биде уште полошо. Макс минатата година ги налути навивачите кога одби да ја исполни клупската наредба и да му ја отстапи позицијата на Перез, кој се бореше за второто место во генералниот пласман.
„Макс рече дека не му треба никој и дека е целосно опуштен. Сепак, ние мора да преземеме одговорност. Неговата безбедност е наш приоритет“, изјави Марко.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
