Актуелниот шампион во Формула 1, Макс Ферстапен изјави дека е загрижен пред почетокот на новата сезона.
Макс Ферстапен истакна дека не очекува Ред Бул да биде најбрзиот тим на стартот од сезоната во Австралија. Ред Бул започна како водечки тим во последните четири Ф1 сезони и победи на воведните трки во 2023 и 2024 година.
Сепак, тимот имаше проблеми со развојот на моделот „RB20“ минатата година, што ги врати во поредокот, а клучно за тој проблем беше заминувањето на главниот инженер Адријан Њуи.
„Беше како што очекував на претсезонските тестови, продолжуваме да работиме и да се трудиме да се подобриме. Се надеваме дека ќе бидеме подготвени за Мелбурн, ќе научиме малку повеќе и ќе видиме до каде сме. Не очекувам дека ќе бидеме најбрзи, но во исто време е тешко да се суди за темпото на другите тимови. Имаме уште работа“, изјави актуелниот четирикратен шампион.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
