Динамо Загреб ја продолжува доминацијата на хрватската фудбалска сцена откако „модрите“ вечерва слават нова титула. Иако долго време заостануваа најпрвин зад Хајдук, а потоа и зад Ријека во трката за трофејот, тимот на нашите Стефан Ристовски и Аријан Адеми врза фантастични десет победи во низа во клучниот дел од сезоната, ги прескокна ривалите и вечерва ја осигура новата титула.
Денешните резултати одеа во полза на актуелниот првак, најпрвин Ријека загуби на својот натпревар, што значеше дека триумф на Динамо на „Максимир“ против Осијек ќе ја осигура и нова титула на најтрофејниот хрватски фудбалски колектив, осумнаесетта во последните 19 сезони од првата хрватска лига.
По голема битка „модрите“ успеаја да слават со 1-0 над незгодниот ривал, а за задоволството да биде комплетно – победничкиот гол го постигна капитенот Аријан Адеми. Македонскиот интернационалец сезонава игра под своите можности, но Адеми уште еднаш покажа дека е најдобар кога е најважно, постигнувајќи го голот за титулата, со прецизен удар со глава во 72. минута од мечот за тотална еуфорија на „Максимир“.
ARIJAN ADEMI MAKES IT 1-0 FOR DINAMO IN THE 73RD MINUTE AND GETS THEM CLOSER TO WINNING THEIR 25TH LEAGUE TITLE!!!
Josip Mišić with a beautiful cross and Ademi with a lovely header to score his second goal in the HNL this season. 🚨pic.twitter.com/dKf7zHan1z
— 🇭🇷 (@TheCroatianLad) May 11, 2024
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
