ФИА е подготвена официјално да ги откаже трките во Саудиска Арабија и Бахреин пред крајот на тркачкиот викенд во Кина. Причината е јасна за сите, воениот конфликт што започна со нападите на Израел и Соединетите Американски Држави врз Иран.
Одлуката за откажување на трките во Саудиска Арабија и Бахреин, кои требаше да се одржат во април, значи дека сезоната во Формула 1 ќе биде скратена на 22 трки, објави Скај Спортс.
Трката во Бахреин беше закажана за 12 април, а трката во Саудиска Арабија викендот потоа. Сепак, бидејќи обете земји се меѓу нападнатите, беше одлучено да се откажат трките.
Скај Спорт се повикува на свои извори и наведува дека одлуката ќе биде официјализирана за време на викендот во Кина, но и дека засега нема намера да се „вметнат“ нови трки во календарот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
