Светската фудбалска организација ФИФА комплетно го менува изгледот на Светското клупско првенство. Од 2021 година ова натпреварување ќе се одржува со 24 клубови. Против оваа одлука а Советот во Мајами гласаше единствено претседателот на УЕФА, Александер Чеферин, додека сите останати дадоа „амин“ за енормното зголемување на бројот на клубовите. Останува оваа одлука да добие своја потврда и на Конгресот на ФИФА.
Првото издание ќе се игра од 7 јуни до 4 јули 2021 година, а ќе учествуваат победниците од Лигата на шампиони и Лига Европа во последните четири сезони. Јужна Америка ќе има шест претставници, а Африка, Азија и КОНКАКАФ по три.
Следна цел на ФИФА е зголемување на бројот на учесници на Светското првенство во Катар. На Мундијалот во 2022 година, челниците на светскиот фудбал посакуваат да има 48 селекции, наместо досегашните 32.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
